දැනට ලෝකය පුරා ඉතාමත් ප්රචලිත භාවනා ක්රම වලින් වැඩිම ප්රමාණයක් ශ්වසනය හා සම්බන්ධ භාවනා ක්රම වේ .ඉතාමත් ප්රබල ශ්වසන අභ්යාස ක්රමයක් වන්නේ ආනාපානා සති භාවනාවයි .
ආනාපාන සතිය වඩන බොහෝ ආකාර ඇත .මහා සතිපට්ඨාන සූත්රය, ගිරිමානන්ද සූත්රය, ආනාපාන සති සූත්රය ආදී සූත්ර විශාල ප්රමාණයක ආනාපානා සති භාවනාව පිළිබඳව විස්තර කර ඇත.අන් භාවනා ක්රමවලට වඩා ආනාපානා සති භාවනාව තුළ කැපී පෙනෙන වෙනස්කම් රාශියක් ම ඇත .
ආනාපාන සතිය වඩන පිළිවෙල
ආනාපානාසතිය අදියර කිහිපයකින් සමන්විතය
- හුස්මට අවධානය යොමු කිරීම
- හුස්මට සිත බැඳ බැඳ වීමට උත්සාහ කිරීම
- ධ්යාන ගත වීම
ආනාපාන සතිය වඩන ක්රම
- නාසිකාග්රය හෝ උඩුතොල වෙත අවධානය යොමු කිරීම
- කය තුළට අවධානය යොමුකර අභ්යාස කිරීම
- උදරය පිඹීමට හා හැකිලීමට සිත යොමු කිරීම
- හුස්ම දිගේ සිත ඉහල පහල යවීම
- හුස්ම ගණන් කිරීම
- හුස්ම සමග සමග දෑත් පපුව අසල ඉහල පහල යැවීම
1.නාසිකාග්රය හෝ උඩුතොල වෙත අවධානය යොමු කිරීම.
බොහෝ දෙනෙකුට භාවනා කිරීමේ දී එම භාවනාව අසාර්ථක වන්නේ ය බොහෝ වෙලාවට වැරදි ඉරියව් භාවිතා කිරීමයි නිවැරදි ඉරියව් භාවිතා කිරීමෙන් කෙටි කලකින් උසස් ප්රතිඵල ලබාගත හැකි ය .
භාවනාවට ඔබ කැමති පහසු ඉරියව්වක් භාවිතා කළ හැක.ඔබ කැමතිනම් ඉදගෙන හිටගෙන,සැතපීහෝ වෙනත් ඕනෑම ඉරියව්වකින් භාවනා කළ හැකියි.නමුත් ඔබට ගැඹුරු සමාධියක් උපයා ගැනීමට නම් ඉඳගෙන භාවනා කළ යුතුයි.
කද සෘජුව තබා දෙපා හරස්කොට හිද ගැනීමෙන් පහසුවෙන් සමාධි ගත විය හැක.
දෑස් පියාගෙන හෝ දැස් හැරගෙන භාවනා කල හැකියි.සමහර භාවනාක්රම දෑස් හැරගෙන සිදුකරයි. කසිණ වැනි භාවනා ක්රම දෑස් හැර ආරම්භ කොර පසුව දෑස් පියාගෙන වඩයි.
ශරීරය සෘජුව තබාගෙන දෑස් වසා හෝ දෑස් හැරගෙන සිටින්න පලමුව අප ශරීරය ඉහිල්ව තබාහැනීම ඉතා වැදගත්ය.නැතිනම් ශාරීරයේවේදනා හටගෙන භාවනව නිසිපරීදි වැඩීමට නොහැකිවිය හැක.
එ නිසා සන්සුන්ව දෙපතුලේ ඇගිලිතුඩුවලසිට හිස්මුදුන දක්වා මනසින් පරීක්ෂාකර හිරවෙන,අපහසු දැනෙන තැන් ඇත්නම් ඒවා පහසු ඉරියව්වකට සකස් කරගන්න.සිත සමාධි ගත වනවිට මුලු ශරීරයේම සෙලවීම දැනෙන්නට පටන්ගනී.ඒ සෙලවීම සම්පූර්ණයෙන් අවසන්වී මුලු ශරීරයම නිසලවූ බව දැනුනු පසු සමාධි ගතවූ බව තහවුරුකල හැකිය.
පලමුව ගැඹුරු හුස්ම සෙමින් ගෙන සෙමින් හුස්ම පිට කරන්න .මෙසේ කීපවර කරනවිට තාමාටම සැහැල්ලුවක් දැනෙනු ඇත. කලබල කාරී ස්වාභාවය නැතිවී සංසුන් බවක් දැනෙනු ඇත.එවිට භාවනාව ආරම්භ කරන්න .
සෙමින් හුස්ම ශරීරය ඇතුලට ගන්න.මේ ගන්නා හුස්මරැල්ල අපගේ නාසයේ කෙලවරක වැදී ශරීරය තුලට ගමන් කරයි. මේ හුස්ම රැල්ල වදින ස්ථානය අප මනසින් ලකුණුකල යුතුයි.හුස්ම රැල්ල වදින ස්ථානයට සිත ගෙන ගොස් සිත එතන තබා.හුස්ම ගත යුතුයි හුස්ම හෙලිය යුතුයි. මෙහිදී අප කිසිවක් සිතිම මෙනෙහි කිරීම තහනම් ය.හුස්ම රැල්ල වැදී ඇතුලට යාමත් නැවත වැදී ඉවතට යාමත් දෙස බලාසිටිය යුතුයි. දොරටු පාලකයකු දොරටුව අසල සිටගෙන ඇතුලට එන පුද්ගලයන් දෙස බලාසිටි. නැවත එලියට යන පුද්ගලයන් දෙස බලාසිටි.නමුත් ඔහු එන යන පුද්ගලයන් පසු පස ගමන් නොකරයි.එලෙසම දොරටු පාලකයා සේම ඔබත් ඔබේ සිත නාසයේ කෙලවර හුස්ම කැපෙන ස්ථානයට ගෙන ගොස් හුස්ම රැල්ලේ ගැටීමට සිත තබා. එය දෙස බලාසිටින්න.එසේ සිටින විට එම සථානය රත්වෙනවා සේ් ඔබට දැනීමට පටන්ගනී එවිට එතැනටම සිත තබාසිටින්න එවිට හුසම රැල්ල දීර්ඝ වී හුස්මරැල්ල කෙටි වී තුනී වී ගොස් කසිණ නිමිත්ත හෙවත් ආලෝක නිමිත්තක් මතුවී අනතුරුව පූර්ණ සමාධියට පත් වේ.
ඉතිරිය බලාපොරොත්තු වන්න.
තෙරුවන් සරණයි .
